Grænmetisréttur ala Alma

Þreif og tók til í ískápnum í gær. Þar leyndist nú ýmislegt gotterí. Bjó til grænmetisrétt og bakaði brauð og buðum svo Ínu, Gaua og börnum í spontant kvöldverð.

Steikti 2 hvítlauksrif (pressuð), 1 skallotlauk og slatta af engifer á pönnu í smá ólífuolíu. Setti svo 1 sæta kartöflu úti sem ég var búin að skera í litla bita. Hellti svo einni dós af kókosmjólk út á. Lét þetta malla í um 10 mín þar til sætu voru orðnar frekar mjúkar. Þá skellti ég nokkrum sveppum úti ásamt 500g af forsoðnum kartöflum og svo að síðustu 1 dós af nýrnabaunum. Átti karrýmauk frá pataks og setti 2 msk af því úti. Þetta bragðaðist alveg ljómandi.

Brauð
5dl spelt
1dl sólblómafræ
1dl kókosmjöl
3 tsk lyftiduft
smá sjávarsalt
2,5 dl létt ab-mjólk
soðið vatn þar til deigið var orðið hæfilega þykkt
þurrefnin hnoðuð saman svo ab-mjólk og svo vatnið
búnar til kúlur og sett inn í ofn á 180°í 20-30 mín

bjó svo til Raitu
létt ab-mjólk
gúrka skorin í litla bita
smá sjávarsalt
1 tsk cumin
ég setti líka 3 sólþurrkaða tómata úti skorna í litla bita

með var svo tómata og paprikusalat

Grillaður lax
Signý kom í mat til okkar með börnin í gær.
Í matinn var:

Lax marineraður í hotspot sósu (mango jalapeno). Hún er mjög góð en alls ekki sykurlaus. Gummi grillaði svo laxinn.
brún grjón
klettasalat með niðurskorni papriku, tómötum, sólþurrkuðum tómötum og ólífumRaita sem samanstendur af hreinni jógúrt (ég blandaði saman jógúrti og létt ab-mjólk) með niðurskorinni gúrku, 1/2 tsk af cumin dufti, salt og pipar
Sæt kartafla skorin í strimla og grilluð
Borðuðum öll með bestu lyst nema kannski Regína Sjöfn sem er frekar matvönd :)

Fajitas

1 avokado (mjúkt) mixað með 1/2 poka af guacamole mix frá casa fiesta og 1 msk sýrður rjómi (5%)
Þá ertu komin með guacamole :) Stundum þegar við höfum meiri tíma þá gerum við guacamole "from scratch"

2 kjúklingabringur sem Gummi klífur í tvennt svo þær séu fljótari að grillast
Þær eru lagðar í fajitamix sem er blandað helst í bjór (við notuðum núna pilsner)
Þegar búið er að grilla þær eða steikja eru þær skornar þvert í litla bita og bornar þannig fram.

Meðlæti
niðurskornir tómatar
salsa sósa
guacamole
sýrður rjómi (ég nota 5%, reyni alltaf að nota sem minnsta fitu í matseld)
niðurrifið kál
rifinn ostur (við prófuðum núna í kvöld soya ost sem við vorum hrifin af en börnin voru það ekki)
grillaður laukur og grilluð paprika. skorið niður í strimla og grillað svo. Við erum svo heppin að vera með grillpönnu á grillinu okkar og það svínvirkar á steikta laukinn og þá verður þetta svo orginal, alveg eins og á veitingastað í Mexico :)

Tortillakökur notaðar undir. Gummi hitar þær bara á grillinu

Upprunaleg uppskrift er úr bókinni "Af bestu lyst II". Þessi súpa er hrikalega bragðgóð, seðjandi og ótrúlega holl. Ég tók hana af vefnum hjá Sigrúnu
Miðjarðarhafs fiskisúpa
Fyrir 2-3

100 g rækjur,1 lítið ýsuflak, 5 múslingar, 10 súpuhumrar (eða bara sá fiskur sem þið viljið)
* 1 laukur
* 2 hvítlauksrif
* 100 gr sveppir
* 1 tsk ólífuolía
* 1 tsk heilsusalt (Herbamere)
* 1 tsk svartur pipar
* 1/2 msk karrí duft
* 1/2 tsk turmeric duft
* 1 lítil dós (minnsta) niðursoðnir tómatar
* 150 ml grænmetissoð. Einnig má nota fiskisoð eða kjúklingasoð
* 150 ml vatn
* 5 lárviðarlauf
* 1/2 búnt steinselja
* 1 tsk fiskisósa (Nam Plah). Má sleppa.

Aðferð:
* Saxið lauk og merjið hvítlauksrif.
* Skerið niður sveppi.
* Mýkið lauk, hvítlauk og sveppi í ólífuolíu (eða vatni) í 1-2 mín í stórum potti.
* Kryddið með salti, pipar, karrí og turmeric
* Setjið tómata, grænmetissoð, vatn og lárviðarlauf út í pottinn.
* Látið suðuna koma upp í 3-4 mínútur
* Setjið fiskinn útí og sjóðið í 3-4 mínútur
* Bætið kræklingnum út í og hita að suðu.
* Saxið steinselju yfir súpuna (og setjið u.þ.b. 1 msk á hvern disk áður en borið fram)


* Það er alveg nauðsynlegt að hafa nýbakað, gróft brauð með en ef það er ekki hægt, hafið þá gróft snittubrauð eða grófar bollur með súpunni

Enn og aftur stefni ég að því að vera duglegri við að setja inn uppskriftirnar mínar hér. Góð leið til að halda utan um hvað við eldum fjölskyldan sérstaklega þegar manni langar til að elda aftur sama réttinn. Ég er nefnilega snilli í að gleyma hvernig ég gerði réttina. Þó að það sé ekki nema vika síðan eða jafnvel 2 dagar þá er ég búin að gleyma því hvernig ég gerði þá.
Nú er bara að fara að setjast niður á sunnudögum og gera vikuseðil eins og ég var svo dugleg að gera í Hollandi.