Matseðill minn í dag. Jæja hér er það bara svart á hvítu hvernig matarræðið er hjá mér þessa dagana. Þetta er svona frekar týpískur dagur.

Kornflex með 0%mjólk og vatnsglas í morgunverð

caffé latte a la Gummi eftir leikfimi ásamt vatni (einnig drukknir 750ml í tímanum).
2 litlar chiabatta bollur í hádeginu, önnur með reyktum laxi og hin með kæfu og papriku og vatn með.

niðursneiddir ávextir kl 3 (mangó, appelsína, vínber, nektarína og svo skrítna stóra appelsínan sem Gummi heldur á á daglega blogginu, hún heitir pompa... eitthvað).

Salat kvöldsins.

hálfur poki rucola
hálfur poki annað salat
ristaðar furuhnetur og sólblómafræ
1 mozzarella rifinn
2 kjúklingabringur (afgangur síðan í gær)
2 tómatar
1/2 mangó (ég er alveg með æði fyrir því)
1 rauðlaukur
balsamico vinagrette og olífuolía yfir.

og svo vatn auðvitað.

Je..minn hvað ég er holl...hihi
Í kvöld er það svo 1 espresso ásamt vatnsdrykkju

Jæja nú erum við búin að fjárfesta í nýjum blender þar sem sá gamli var farinn að leka eftir mikla notkun.
Nældum okkur í langþráðann Kitchen Aid blender á netinu. Þetta er geðveik græja og nú er allur matur bara maukaður..hehehe. Gummi ætlaði að búa til ávaxtasalat í gær og ákvað að prófa að setja ávextina í blenderinn, bara svona pinku...en þetta varð auðvitað bara allt að mauki strax. Hann sem sagt svínvirkar. Ávaxtamaukið var auðvitað ekkert verra á bragðið og var svo afgangurinn bara notaður í morgun blanda við skyr (kwark), sjúklegur skyrshake. :)

Við gerðum salat í gær fyrir okkur 2 en krakkarnir fengu sænskar kjötbollur úr IKEA ásamt soðnum kartöflum og sósu. Já við eldum venjulega svo fitulaust fæði að ég hef aðeins áhyggjur af því að börnin mín fái ekki næga fitu sem er þeim nauðsynleg til vaxtar og þroska.

Hér er svo uppskriftir af þessu geðveika salati sem við gerðum.

Hálfur poki blandað salat ásamt slettu úr rucola poka
1/4 gúrka skorin í bita
uþb 1 dl af niðursoðnum kjúklingabaunum
afgangur af grilluðum kjúklingabringum skornar niður
þurrsteiktar furuhnetur og sólblómafræ
flögur af padano osti (eða parmesan)
og svo dressing sem samanstóð af:
balsamik vinager
olífuolíu og
dash af hunangi

Þetta er algjört nammi

Kvöldmaturinn var Mangólax. Uppskrift sem við fengum úr nýjasta Nýtt Líf.
Hrikalega góður og þá sérstaklega salatið með.

Sesamhúðaður lax með mangósalsa (fyrir 4)

800g laxaflak (roð og beinlaus)
1 1/2 tsk salt (ég setti minna)
3/4 tsk (Marteinn las þetta fyrir mig sem taska) svartur pipar
ég ráðlegg að setja ekki heila tösku af pipar þar sem að þá munuði hnerra út í eitt eins og piparkökugerðarmaðurinn í dýrin í hálsaskógi, en kannski fer það eftir því hversu taskan er stór
3 kúfaðar msk mangó chutney
2 msk sesamfræ

stillið ofninn á 200°C. Setjið laxaflakið á bökunarplötu klædda bökunarpappír, saltið og piprið. Smyrjið flakið með mangó chutney. Setjið í ofninn. Eldunartíminn ræðst af smekk. Berið fram með mangósalsa og hrísgrjónum eða nýjum íslenskum kartöflum (við slepptum þessu, þe hrís og kart).
Laxinn var inní ofninum í ca 10-15 mín hjá okkur.

Mangósalsa f. 4
1 vel þroskað mangó
1 rauðlaukur
1/2 rauð paprika
1/2 græn paprika
2msk hvítvínsedik
1tsk hunang
1msk ólífuolía
salt og pipar
2 msk ferskt basilikum

Afhýðið mangóið og skerið í ltila teninga. Fínsakið laukinn. Skerið paprikuna í smáa bita og blandið 0llu saman. Hrærið saman hvítvínsedikinu, olíunni og hunanginu. Smakkið til með salti og pipar, hellið yfir. Saxið basilikum og stráið yfir. Hrærið varlega

Gummi mælir með Santa Alicia - sauvignin blanc sem er mjúkt og þægilegt vín með ferskju og ananaskeim. Fer vel með laxinum. (€2,95 í EmTé).