Falafel

1 3/4 niðursoðnar kjúklingabaunir
2 hvítlauksgeirar
1 lítill laukur
1 tsk malað kóríander
1 msk cummin
cayenne pipar
1 bolli fersk steinselja
1 tsk salt
1/2 tsk svartur pipar
1/2 tsk matarsódi
1 msk sítrónusafi
góð olía til að steikja úr

Setjið kjúklingabaunirnar í matvinnsluvél ásamt öðrum hráefnum fyrir utan olíuna. Hrærið þar til allt er vel blandað saman en gætið þess að blandan maukist ekki um of. Setjið olíuna í pott eða djúpa pönnu og hafið nægilega mikið til að geta steikt bollurnar. Hitið olíuna þar til hún er orðin um 180 gráðu heit og mótið litlar kúlur úr blöndunni. Steikið bollurnar í olíunni þar til þær eru fallega brúnar.
Með falafelinu er gott að bera fram tahini sósu en þá er blandað saman jafn miklu af tahini og hreinni jógúrt (ég notaði ab-mjólk) og bragðbætt með salti, pipar, cummin, hvítlauk og sítrónusfa.

Hollari vatnsdeigsbollur

Hér er uppskrift af þeim
80g kókosolía (bragðminni - helst ekki frá himneskri hollustu, hægt er að fá aðra tegund í fjarðarkaupum)
2 dl vatn
100gr spelthveiti
2-3 egg
örlítið salt

Sjóðið vatn og olíu þar til olían er bráðnuð, bætið þá hveitinu við. Stráið salti yfir og kælið aðeins. Þeytið eggin saman og bætið þeim smámsaman út í og passa að deigið sé ekki og linnt.
Setjið með skeið á plötu og bakið við 200°C

Ofan á bollurnar setti ég agavesíróp sem ég hrærði kakó útí.
Á milli settum við st.dalfour sultu sem er sykurlaus og möndlurjóma.
Möndlurjóma bý ég til með því að leggja 1 bolla af möndlum í vatn í 8-12 klst og afhýði svo (ef þær eru með hýði). Síðan eru þær settar í matvinnsluvél (eða mixer) og malaðar með 1/4 bolla agavesírópi og hálfum bolla af vatni. Athugið að setja vatnið smátt og smátt út í þar til rjóminn er orðinn mátulega þykkur. Getur verið að ekki þurfi að nota allt vatnið.